Жалғыздық
Cөзі
мен әні автордыкі
Жалықтым.
Жабықтым. Жаңа ұқтым,
Еңсемді
езеді тамұқ-түн.
Сығалап
қарадым мен оған, 2 рет
Терезесінен
табыттың.
Алқымнан
алады кендір-мұң,
Көңілімді
көрге де көндірдім.
Шаршаған
шылымымның шоғын, 2 рет
Қарашығыма
сөндірдім.
Лақаттан
лақтырдым бөркімді,
Тәнімді
жаным жеп өлтірді.
Жардағы
сүгірет үні кеп, 2
рет
Күлкімді
менің келтірді.
Сезімім
құламай, сенделіп,
Қиялым
барады жерге еніп.
Қараңғы
тып-тымық бөлмеде, 2 рет
Жарқырап
шам тұр тербеліп...
...Біреу
келсе екен!..